Преку обуките визијата, мисијата, целите и стратегијата на организацијата се комуницираат до најниските нивоа на организација.
Целите се идна состојба, ситуација или сакан резултат кон кој е насочена планската активност. Тие претставуваат насока во формулирањето на стратегијата. Стратегијата претставува мост помеѓу сегашната позиција на организацијата и онаа посакуваната, а процесот на нејзиното формулирање претставува долгорочен план за ефективно управување во светлина на интерните и екстерните фактори на окружувањето. Стратегијата претпоставува планирање и имплементација, но и управување со промените во организацијата, која по пат на предложените обуки со раководителите ќе се пренесе кон пониските организациски нивоа.